...Tacikistan prezidenti Emoməli Rəhmon sürücülərin rüşvətxorluq və özbaşınalıqdan danışaraq daim şikayət etdikləri Dövlət Yol Müfəttişliyi əməkdaşlarının 30 faiz ixtisar edilməsi haqqında fərman imzalayıb.
SİA-nın əldə etdiyi məlumata görə, sərəncam prezident tərəfindən bu gün, yanvarın 19-da imzalanıb və artıq dövlət başçısının rəsmi saytında dərc olunub.
Deyilənlərə görə, Tacikistan hökumətinin ünvanına çoxlu tənqidlər səslənirdi ki, Dövlət Yol Müfəttişliyinin əməkdaşlarına külli miqdarda sərbəstlik verilib, onlar istədiklərini edə bilirlər, hər fürsətdə sürücülərdən rüşvət alırlar.
Tamamilə mümkündür ki, bu qərara ötən ilin iyulunda prezidentin özü sərəncam verdiyi yol polisi əməkdaşlarının attestasiyasının nəticələri təsir edib.
Dövlət Yol Müfəttişliyinin rəisi Rüstəm Mirzomurodzoda parlamentin “Sadoi Mardum” qəzetinə müsahibəsində etiraf edib ki, kadrların attestasiyası zamanı “təsadüfi və güzəştə gedən işçilər” müəyyən edilib.
Qeyd edilir ki, hakimiyyət heç vaxt Tacikistanda Dövlət Yol Müfəttişliyinin işçilərinin sayını açıqlamayıb və yollarda nə qədər müfəttiş olacağı hələ məlum deyil.
Nazlı