Samsung, SmartThings imkanlarını ev enerjisi və avtomobil/ev avtomatlaşdırmasına genişləndirmək üçün Tesla və Hyundai ilə tərəfdaşlıq elan etdi. Bu barədə Engadget məlumat yayıb.
Tesla ilə əməkdaşlıq elektrikli avtomobil sahiblərinə Samsung SmartThings Energy proqramı vasitəsilə evlərini idarə etməyə imkan verəcək. Powerwall istifadəçiləri Storm Watch funksiyasını Samsung cihazları ilə sinxronlaşdıra, ekstremal hava şəraiti haqqında bildirişlər ala və Powerwall enerjisinə qənaət etmək üçün AI Enerji rejimini aktivləşdirə bilərlər.
Samsung şirkəti Hyundai ilə birlikdə SmartThings platformasını elektrikli avtomobillər və nəqliyyat vasitələri üçün genişləndirmək üçün birləşib.
Bu, sahiblərə öz smart binasını Hyundai avtomobilinin məlumat-əyləncə sisteminə qoşmağa və SmartThings proqramı vasitəsilə işıqlandırma, iqlim nəzarəti və digər cihazları idarə etməyə imkan verəcək.
Həmçinin avtomobil evə çatanda işıqlandırmanın avtomatik yandırılmasını və temperaturun tənzimlənməsini yaratmaq mümkün olacaq.
SİA-nın xarici qaynaqlardan əldə etdiyi məlumata görə, bu yeni funksiyalar Samsung tərəfindən CES 2024 sərgisində təqdim olunacaq.
Nazlı