"Mən ata sevgisini bu insanda yaşamışam". SİA xəbər verir ki, bu sözləri müğənni Aysun İsmayılova "ATV"də yayımlanan "7 Tamam" verilişində qonaq olduğu zaman deyib.
Hər zaman Fazil bəyə olan sevgisini dilə gətirməkdən çəkinməyən Aysun, ondan gördüyü sevgini heç vaxt bioloji atasından görmədiyini etiraf edib: "Fazil müəllim mənə sözün əsl mənasında ata olub. O, elə ata olub ki, bir çox bioloji atallar belə elə deyil. Mən onun haqqını heç vaxt itirə bilmərəm. O, anamdan çox mənim üçün narahatdır. Efirə çıxanda zəng edir, deyir narahat olma, baxıram. Nəsə olsa, mən buradayam. Kimsə məni incitsə, bilirəm ki, arxam, dayağım var. Heç vaxt məni öz övladından seçməyib deyə, onun atalıq borcunu ödəyə bilmərəm və atanın nə olduğunu Fazil müəllimdən öyrənmişəm. Hər kişinin işi deyil ki, başqasının övladına ata olsun, soyadını versin. Mən hazırda sənəddə Əmiraslanova gedirəm. Onun doğma qızı kimi".