Rusiya estradasının primadonnası Alla Puqaçovanın yeni istedadı üzə çıxıb. SİA xəbər verir ki, 30 il primadonna ilə işləmiş gitaraçı Aleksandr Levşin ifaçının gözlənilməz istedadını açıqlayıb.
Onun sözlərinə görə, ifaçı həmişə gözəl rəsm çəkib, təsviri sənətə meyilli olsa da, nədənsə istedadını üzə çıxarmamağa üstünlük verib.
“Alla gözəl çəkir. Pərəstişkarları yəqin ki, onun vallarının görünüşünü xatırlayırlar. Belə ki, valların üz qabığındakı “Qulliver” şəklini Alla özü çəkib. Onun daha çox yaxşı rəsmləri var idi. Bilmirəm, nədənsə o, bir dəfə də olsun fərdi sərgisini təşkil etməyib”, - deyə musiqiçi bildirib.