Qadınların ziyafət makiyajlarında tez-tez istifadə etdiyi taxma kirpiklərin uzun müddət istifadə edilməsi göz infeksiyalarına və bir çox narahatlığa səbəb ola bilər.
SİA bu kipriklərin zərərləri ilə bağlı araşdırma edib.
İlk olaraq qeyd edək ki, bu gün bir çox qadınlar bu kipriklərin 1-2 ay müddətində qalıcı olanından da etdirir. Bu halda onların süni kirpikləri 1-2 ay müddətində uzun qalır. Amma unutmayın ki, demək olar ki, hər qadının tez-tez istifadə etdiyi bu süni taxma kirpiklər uzun müddət istifadə edildikdə gözlərə çox zərər verə bilər.
Taxma kirpiklərin bilinməyən zərərləri
Xüsusilə də bu kirpiklərə müntəzəm qulluq edilmədikdə, göz qapaqlarının iltihabından tutmuş ağrıya, şişməyə və infeksiyaya qədər bir çox fərqli riskə səbəb ola bilər. Çünki kirpiklər gözümüzü xarici mühitlərdən qoruyan, tozdan və küləkdən qurumasına mane olan qalxandır.
Məşhur türk göz həkimi olan Sevil Karaman, kirpik yapışdırıcılarının tərkibində olan allergen formaldehid maddəsinin allergik reaksiyalar, ağrı, qaşınma, qızartı, şişlik və müvəqqəti görmə itkisinə səbəb ola biləcəyi ilə bağlı qadınları xəbərdarlıq edib.
Həkim, süni kirpiklərlə bağlı soruşulması lazım olan ilk şeyin yapışqanın tərkibi olduğuna diqqət çəkərək, “Keçmişdə bu yapışqanların bəzilərində allergen formaldehid var idi. Allergik reaksiya, ağrı, qaşınma, qızartı və şişkinliyə səbəb olan bu tərkib hissəsi görmə qabiliyyətinin zəifləməsinə səbəb ola bilər.
Başqa bir risk, saxta kirpiklərin orijinal kirpiklərə və gözə verəcəyi zərərdir. Məlumdur ki, təbii kirpiklər sürtünmə olduqda qırılır. Hətta süni kirpik istifadə edildikdə təbii kirpik follikuluna daimi ziyan vurulur. Nadir hallarda, uzantılar liflərin göz toxumasının altına yapışmasına səbəb ola bilər. Bu halda süni kirpiyin cərrahi yolla çıxarılması tələb olunur.
Sevil Karaman, kirpik taxdırmazdan əvvəl göz sağlamlığı və təhlükəsizliyi ilə bağlı bilməli olduğumuz digər məsələləri belə qruplaşdırıb:
Oftalmoloq kirpiklərin təcrübəli bir şəxs tərəfindən gigiyenik mühitdə dəriniz üçün təhlükəsiz olan kimyəvi maddələrlə tətbiq edilməli olduğunu bildirib. Göz qapağında və ya buynuz qişada travma və ya infeksiya, yapışdırıcıya qarşı allergik reaksiya, qalıcı və ya müvəqqəti kirpik itməsi tətbiqin riskləri arasındadır.
Türk Oftalmologiya mütəxəssisi Aylin Kılıç uzun müddət takma kirpik istifadəsinin gözlərə verdiyi zərərlə bağlı açıqlamalar verib.
Süni kirpiklərin təmizlənmədiyi təqdirdə gözlərin infeksiyalaşacağını ifadə edən Kılıç bildirib ki, bu gün bir çox qadınlar bundan istifadə edir. Belə ki, qadınlar bu “ipək” kirpiklərə üstünlük verir, lakin onlara qulluq edilmədikdə, kirpik dibində və göz qapaqlarında bir qədər şişkinlik və qızartı əmələ gələ bilər. Xəstələr bizə müraciət etdikdə kirpiklərini və kirpik köklərini daha ətraflı görmək üçün biomikroskopla müayinə edirik. Kirpiklərin dibində iltihabı və bəzi zir-zibilləri görürük.
Aylin Kılıç, "Yanlış kirpiklər və ya kirpik qaldırma işləri aparılacaqsa, ən steril yerdə və ən keyfiyyətli materiallarla edilməlidir. Tətbiq edilən texnika çox əhəmiyyətlidir, çünki yanlış kirpiklər nəticəsində kirpik kökləri tıxana bilər. Çünki taxma kiprikli insanlar gözlərini yaxşı təmizləyə bilmirlər, üstəlik bir müddət sonra da kirpikləri tökülür. Nəticədə, gözlər quruyur və süni göz yaşı damcılarından istifadə etməyə başlayırlar.
Aylin Kılıç sözlərini göz lazer əməliyyatından əvvəl xəstələrin kirpiklərinin tamamilə təmiz olması lazım olduğuna işarə edərək yekunlaşdırdı: Lazer əməliyyatı zamanı xəstədə saxta kirpiklər varsa, bu əməliyyat üçün böyük risk yaradır. Sterilizasiyanı pozur, əməliyyatın qarşısını alır və əməliyyatdan sonrakı bərpa müddətini gecikdirir. Bəzi xəstələr 1 ay müddətində taxma kirpiklərdən istifadə edir və nəticədə kirpik kökləri qızarır, şişir və gözləri yaşlanır. Amma nisbətən keyfiyyətli saxta kirpiklər də var. Heç olmasa qadınlar bunlardan istifadə etsinlər.
Əslində, kirpiklər gözümüz üçün çox dəyərlidir, gözümüzü xarici mühitdən qoruyan, tozdan, küləkdən qurumasının qarşısını alan bir qalxandır. Ancaq gözlərimizlə oynasaq və əlavə yad cisimlər əlavə etsək, gözümüzü qorumaq üçün bütün maneələri aradan qaldıracağıq. Bu səbəbdən göz sağlamlığımıza zərər verə bilər.
Xatırladaq ki, 2022-ci ildə İngiltərənin Liverpul şəhərində baş verən hadisədə gözəl görünmək üçün taxma kirpik tətbiq edən 18 yaşlı Jasmin Dewhurst, bədəninin kirpiklərə qarşı allergik reaksiyası nəticəsində müvəqqəti olaraq kor qalmışdı. Belə ki, taxma kirpik qoymazdan əvvəl allergiya testindən keçməyən 18 yaşlı qızın gözlərini itirmək təhlükəsi yaranmışdı.
Gənc qızın saxta kirpiklər üçün istifadə edilən yapışqana güclü allergik reaksiyası olub və onun kirpik dibində qəribə şeylər yaranmağa başladığını müşahidə edib. Oraya rəfiqəsinin tövsiyəsi ilə getdiyini deyən Jasmin Dewhurst, kosmetoloqun kirpik tətbiq etməzdən əvvəl heç bir xəbərdarlıq etmədiyini və allergiya testinin lazım olduğunu qeyd etmədiyini bildirir.
Bu hadisədən sonra təxminən 1 həftə həyatına normal davam etsə də, yavaş-yavaş gözlərində yanma, qaşınma başladığını söyləyən Jasmin bir səhər oyananda heç gözlərini aça bilmədiyini anlayıb. O, Gözlərinin tamamilə bağlandığını anlayanda təlaşa başlayıb.
O, kirpiklərinin dibində istifadə edilən yapışqanın bütün gözlərini örtdüyünü və göz qapaqlarını tamamilə yapışdırdığını görüb. Duzlu su kimi müalicə üsullarını sınasa da, faydası olmayıb və qız panikaya düşüb. Bu səbəbdən müvəqqəti korluq yaşayan gənc qadın həkiminə müraciət edib.
Yasemin, kirpiklərini taxdırmaq istədikdə belə bir şeylə qarşılaşacağını heç vaxt təxmin edə bilməyəcəyini söyləyərək, əvvəlcə bunun sadə bir qaşınma olduğunu düşünsə də, əslində çox ağrılı və qorxulu bir təcrübə olduğunu ifadə edib. Yapışqanın təsiri o qədər güclü idi ki, təxminən bir ay ərzində kirpiyin hamısını çıxarmaq mümkün deyildi. O, qıcıqlanma səviyyəsinin hələ də yaxşılaşmadığını, hələ də gözlərinin şişdiyini və qaşındığını bildirir. Üstəlik, Jasmin kirpiklərinin çoxunu itirib. Hələ də gərgin bir bərpa prosesi keçirən gənc qadın gələcəkdə kirpiklərinin eyni şəkildə uzanacağına ümid edir.
Ayşən Vəli