Rusiya Kimyəvi Silahların Qadağan edilməsi Təşkilatının icraçı şurasındakı yerini itirib. Kimyəvi Silahların Qadağan edilməsi Təşkilatına üzv ölkələrin Haaqada keçirilən 28-ci konfransında keçirilən səsvermədə Rusiya tələb olunan 66 səsi toplaya bilməyib.
SİA-nın əldə etdiyi məlumata görə, Şərqi Avropanı Polşa, Litva və Ukrayna təmsil edəcək.
TASS-ın verdiyi məlumata görə, konfransda Rusiya sənaye və ticarət nazirinin müavini Kirill Lisoqorski bildirib ki, ABŞ və onun həmfikirləri Rusiyanı OPCW İcra Şurasından çıxarmağa çalışırlar”. Bu prosesin tərkib hissəsi kimi, o qeyd edib ki, “Kimyəvi Silahların Qadağan edilməsi Təşkilatının Şərqi Avropa qrupunda Vaşinqton və Brüsselin göstərişi ilə NATO və Avropa İttifaqının hərbi-siyasi maraqlarına tabe olan 18 dövlətdən ibarət anti-Rusiya lobbisi yaradılıb.
Nazlı