“Enurez (altını islatma) bəzi uşaqlarda gecə, bəzilərində isə gündüzlər də rast gəlinən problemdir. Alt islatma uşağın ehtiyacını ödəmə vərdişi dövründə tez-tez rast gəlinirsə normal haldır”. Bu sözləri SİA-ya açıqlamasında psixoloq Leyla Əli deyib.
Onun sözlərinə görə, enurezə fərqli yaş dövrlərində rast gəlinə bilər: “Enurez olan uşaqlar doğuşdan sonra sidiyə getmələrinə nəzarət edə bilmirlər. Lakin, uşaq 5 yaşını keçibsə və 3 aydan çox həftədə 2 dəfə altını isladırsa mütəxəssisə müraciət etməyiniz məsləhətdir.
Enurezin psixoloji səbəbləri:
- Uşağın valideynlərinin birini və ya hər ikisini itirməsi,
- Valideynlərin boşanması,
- Ailədə zorakılıq,
- Yeni bacı və qardaşın doğulması,
- Basqı ilə tualet vərdişinə alışdırılan uşaqlar,
- Ziyadə qoruma altında böyüyən uşaqlar,
- Ailədə yetərincə sevgi və qayğı görməyən uşaqlar.
Enurezin müalicəsində medikomentoz müdaxilə və psixoterapiya mühüm yer tutur. Valideyn mütəxəssis tərəfindən enurez haqqında düzgün məlumatlandırılmalıdır. Bu, müalicənin effektivliyini artırır”.
Ayşən Vəli