Bu arada Rusiya və Belarus Estoniyanın Avropada Təhlükəsizlik və Əməkdaşlıq Təşkilatına (ATƏT) sədrliyinə namizədliyinə veto qoyub.
SİA-nın əldə etdiyi məlumata görə, Baltikyanı ölkənin xarici işlər naziri Marqus Tsaxna bu məsələni şərh edib.
Qeyd edək ki, onun şərhi departamentin saytında dərc edilib.
Diplomat iddia edir ki, Rusiya təşkilatın fəaliyyətini əngəlləyir, o cümlədən bir neçə ildir ki, büdcəni təsdiqləməyə, rəsmi tədbirlər keçirməyə və səhra missiyalarını uzatmağa imkan vermir. Xüsusilə, Estoniya Xarici İşlər Nazirliyinin rəhbəri Moskvanı Ukraynada ATƏT-in bütün səhra missiyalarına son qoymaqda ittiham edib.
“İndi Rusiya və Belarusa görə elə bir vəziyyətdəyik ki, yeni ilə cəmi ay yarım qalmış ATƏT-in təsdiq edilmiş sədrliyi olmayıb, baxmayaraq ki, Estoniya 2020-ci ildən bu vəzifəyə Avropa İttifaqından birgə namizəddir”. - deyə məlumatda deyilir.
Nazir həmçinin bildirib ki, Rusiyanın tələblərinə, o cümlədən ATƏT sədrinin NATO-nun müttəfiqi dövlət olmaması istəyinə tabe olmaq qəbuledilməzdir. Bundan əlavə, o, “Moskvanın bəyəndiyi həll yollarını axtarmaqdansa, Rusiyanı beynəlxalq arenada tamamilə təcrid etməyə” çağırıb.
Nazlı