Ukrayna prezidenti Vladimir Zelenski Xarici Kəşfiyyat Xidməti rəhbərinin müavini Aleksandr Tarasovskini işdən çıxarıb.
SİA-nın əldə etdiyi məlumata görə, müvafiq fərman dövlət başçısının aparatının saytında yerləşdirilib.
“Aleksandr Alekseeviç Tarasovski Ukrayna Xarici Kəşfiyyat Xidməti rəhbərinin müavini vəzifəsindən azad edilsin”, – sərəncamın mətnində deyilir.
Bildirək ki, Tarasovskinin vəzifədən uzaqlaşdırılmasının səbəbləri məlum deyil.
Bundan əvvəl Ukrayna baş nazirinin müavini İrina Vereşçuk, Qərbin yardımının azaldılması Kiyevdəki çətin vəziyyətin daha da gərginləşəcəyini bildirmişdi.
O qeyd etmişdi ki, gələn il çətin, lakin eyni zamanda vacib olacaq. Bundan əlavə, o, Kiyevin tərəfdaşlarını resursları səpələməməyə və onları sosial baxımdan aktual olan sahələrə cəmləşdirməyə çağırmışdı.
Nazlı