Türkiyənin Bursa Beynəlxalq Orkestrlər Festivalında iştirak etmək üçün Heydər Əliyev adına Hərbi İnstitutun Hərbi Orkestr heyəti qardaş ölkədə səfərdədir.
Bu barədə SİA-ya Müdafiə Nazirliyindən məlumat verilib.
Müxtəlif ölkələrin hərbi orkestrlərinin iştirakı ilə keçirilən festivalda ölkəmizi Hərbi İnstitutun Hərbi Orkestrinin rəisi hərbi dirijor polkovnik-leytenant Fariz Məmmədzadənin rəhbərlik etdiyi 35 nəfərlik nümayəndə heyəti təmsil edir.
Beynəlxalq festival oktyabrın 1-dək davam edəcək.