Sentyabrın 27-dən oktyabrın 1-dək Türkiyənin İzmir şəhərində TEKNOFEST keçiriləcək.
SİA yerli mənbələrə istinadən xəbər verir ki, dünyanın ən böyük aviasiya, kosmos və texnologiya festivalına ciddi hazırlıq işləri görülür.
Beş gün davam edəcək TEKNOFEST-i bir milyondan çox insanın ziyarət edəcəyi gözlənilir.
Texnologiya yarışmaları, hava şouları, mükafatlandırma mərasimləri, elmi şoular, maarifləndirici seminarlar, sərgilər, səhnə oyunları, uşaqlar üçün xüsusi uçuş təcrübələri ziyarətçilərə macəra yaşadacaq.