İranda 800-dən çox insan xəstəxanalıq oldu

21 Sentyabr 2023 15:59 (UTC+04:00)

“Sistan əyalətində qum qasırğasından sonra 859 nəfər tibb mərkəzlərinə və xəstəxanalara müraciət edib”, - deyə Sistan və Bəlucistan əyalətinin Böhran İdarəetmə İdarəsinin rəisi Məcid Mohebbi bildirib. SİA xarici KİV-ə istinadən xəbər verir ki, bu barədə “Azad İran” “Telegram” kanalında məlumat verilib.

Onun sözlərinə görə, sentyabrın 19-dan bəri əyalətin beş şəhərində davam edən qasırğa nəticəsində yüzlərlə insan tənəffüs sistemi və görmə qabiliyyətində yaranan problemlərə görə xəstəxanalara müraciət edib. Hazırda isə 50 nəfər xəstəxanaya yerləşdirilib.