Amerikanın liderliyə baxışı və xarici siyasətə çoxtərəfli yanaşması dünyanın ən aktual problemlərinin həllinə kömək edə bilər.
SİA-nın əldə etdiyi məlumata görə, bunu ABŞ prezidenti Cozef Bayden Nyu-Yorkda BMT Baş Assambleyasında çıxışı zamanı deyib.
Baydenin sözlərinə görə, ABŞ-ın gələcəyi dünyanın qalan hissəsinin gələcəyi ilə bağlıdır.
“Heç bir ölkə təkbaşına bugünkü çağırışların öhdəsindən gələ bilməz”.
Bunu deyən ABŞ prezidenti, birlikdə, o cümlədən BMT çərçivəsində çalışmaqla dünyada mühüm irəliləyiş əldə edib və bütün insanların həyatını yaxşılaşdırıb, o cümlədən bir milyard insanı ifrat yoxsulluqdan qoruyub eləcə də uşaqların təhsilə çıxış imkanlarını genişləndirə biləcəklərini bildirib.
BMT-nin İkinci Dünya Müharibəsindən sonra qurulduğunu deyən Bayden, ABŞ-ın təşkilatın işinə dəstəyi davam etdirməyə sadiq olduğunu da qeyd edib.
Baydenin sözlərinə görə, təşkilatların işini qorumaq və sülhü qorumaq üçün əvvəllər cəlb olunmayan bölgələrin cəlb edilməsi də daxil olmaqla, yeniləmələr tələb olunur.
ABŞ prezidenti, Vaşinqtonun BMT Təhlükəsizlik Şurasının genişlənməsini, daimi və qeyri-daimi üzvlərin sayının artırılmasını dəstəkləyəcəyini də bildirib.
Qeyd edək ki, Bayden dövlətlərin ərazi bütövlüyünə və insan hüquqlarına hörməti BMT Nizamnaməsinin əsas prinsipləri adlandırıb.
Rusiyanın Ukrayna ilə müharibəsini şərh edən Bayden, ABŞ-ın da digər dövlətlər kimi döyüşlərin dayandırılmasını istədiyini bildirib.
“...Lakin heç kim bu müharibəni Ukraynadan çox bitirmək istəmir. Biz Ukraynanı bu böhranın diplomatik həlli ilə bağlı güclü şəkildə dəstəkləyirik”, -bunu da Bayden deyib.
Yeri gəlmişkən, ABŞ prezidenti sabah yeni təcavüzün baş verməməsi üçün Rusiyanın təcavüzkar kimi hərəkətləri ilə bu gün mübarizə aparmağa çağırıb.
Ağasəf Babayev