Bakıdakı Rus evində Günel Ravilovanın “Mənim həyatım” adlı fərdi sərgisi keçiriləcək.
SİA-nın əldə etdiyi məlumata görə, Rusiya İnformasiya-Mədəniyyət Mərkəzinin mətbuat xidmətindən bildirilib ki, sərgi sentyabrın 15-də saat 19:00-da açılacaq.
Tamaşaçıların diqqətinə təqribən 40 rəsm işi təqdim olunacaq. Burada "sürrealist görünüş anları - adi süjetə qeyri-ənənəvi yanaşma mövcuddur. Rəsm əsərlərində müəllifin gözü ilə tamaşaçıya dünyanı göstərən inandırıcı mənzərələr var", - mətbuat xidmətinin məlumatında qeyd olunur.
Günel Ravilova 2011-ci ildən Azərbaycanın Rəssamlar İttifaqının üzvüdür.
Bütün maraqlanan şəxslər sərgini ziyarət edə bilər.