Siqaret insan görünüşünə təsir edən, onu ən yaxşı şəkildə dəyişdirən bir asılılıqdır.
SİA-nın əldə etdiyi məlumata görə, bunu kosmetoloq, dermatoloq Nana Nosareva deyib.
O, qeyd edib ki, siqaret üzün dərisini korlayır - o, boz-torpaq rəngi alır, parlaqlığını itirir, kobud, solğun və boş olur. Həkim bunun damar tonusunu azaldan nikotinin parçalanması məhsullarının qana daxil olması ilə izah edib.
Həmçinin, nikotinin təsiri altında kollagen və elastinin strukturunda dəyişikliklər nəticəsində dərinin sürətlə qocalmasına səbəb olan sərbəst radikalların aktivliyi artır.
Üstəlik, qatranların təsiri altında təbii antioksidant olan C vitamini də məhv olur. Bu səbəbdən siqaret çəkənlərin dərisi təravət və sağlam görünüşdən məhrum olur.
Həkimin sözlərinə görə, siqaret saçlara mənfi təsir göstərir - onlar xoşagəlməz qoxu, mat görünüş əldə edir, kövrək olur və aktiv şəkildə tökülür.
Siqaret çəkənlərin dişləri qaralır və sarıya çevrilir, parlaqlığını itirir, hətta çökürlər. Həm də heç bir şeylə kəsilə bilməyən daimi ağız qoxusu yaradır.
Nosareva, qeyd edib ki, tütün məmulatlarını sevənlər zəhərin təsiri altında səs təmizliyini itirir, kobud və boğuq səslə danışırlar.
Nazlı