Nigeriyanın Bauçi rayonunda 5 şagirdin difteriya xəstəliyindən həyatını itirməsi səbəbindən ərazidəki məktəblərdə təhsil dayandırılıb.
SİA-nın xarici qaynaqlardan əldə etdiyi məlumata görə, Nigeriya Milli İlk Yardım İnkişafı Agentliyinin (NPHCDA) Bauçi dövlət koordinatoru Rilvanu Məhəmməd sözügedən mövzu ilə bağlı deyib: “Beş şagirdin difteriyadan ölməsindən sonra bəzi uşaqların da difteriya testləri müsbət çıxıb. Bu səbəbdən rayondakı məktəblərdə təhsil dayandırılıb. Xəstəliyin qarşısını almaq üçün peyvəndlər hazırlanacaq”.
Qeyd edək ki, son 2 ayda Nigeriyada 836 difteriya halı baş verib ki, yoluxanlardan 80-i dünyasını dəyişib.
“Quş iflici” olaraq da adlanan difteriya, "corynebacterium diphtheriae" adlı mikroorqanizm boğaz, burun, göz və dəridə yerləşdiyi zaman meydana gəlir. Yoluxucu xəstəlik adətən ölümlə nəticələnir.