Suriya Milis Ordusu (SMO) sıralarını 5 min yeni qüvvə ilə gücləndirib.
SMO-nun çətiri altında olan Həmzə və Süleyman Şah diviziyaları "Zeytun budağı" əməliyyatı çərçivəsində Şeyx Hadid qəsəbəsində 6 aylıq hərbi təhsilini başa vuran 5 min yeni üzvünün məzuniyyət və andiçmə mərasimi keçirib.
SİA-nın xarici qaynaqlardan əldə etdiyi məlumata görə, təlimləri başa vuran qüvvələrlə yanaşı, hərbi texnikanın da iştirakı ilə parad keçirilib.
Mərasimdə zenit qurğuları ilə təchiz olunmuş 100 texnika, ağır pulemyotlarla təchiz olunmuş 100 zirehli texnika, 80 zirehli pikap, 300 zirehli döyüş maşını və pulemyotlarla təchiz olunmuş 300 dağ velosipedi iştirak edib.
Suriya Milli Ordusunun sıralarına yenicə qoşulan əsgərlər ölkənin şimalında terrordan azad edilən bölgələrdə xidmət göstərəcək.
SMO Suriyanın şimalında Türkiye Silahlı Qüvvələrinin “Fərat qalxanı”, “Zeytun budağı” və “Sülh çeşməsi” əməliyyatları nəticəsində terrordan təmizlənmiş ərazilərə nəzarət edir.