Dünyaca məşhur müğənni Şakira və NBA ulduzu Cimmi Batlerin tez-tez görüşdüyü bildirilir. SİA xarici KİV-ə istinadən xəbər verir ki, cütlük əlaqələrini yaymamağa çalışır.
Qeyd olunur ki, bu həftə 46 yaşlı Şakira və 33 yaşlı Batleri Londonda yerləşən restoranda görüblər. Şakira “Novikov Restaurant”dan çıxarkən onu Batlerin mühafizəçiləri müşayiət edib. Bir neçə dəqiqə sonra isə restorandan basketbolçunun özü çıxıb. Məlumata görə, aralarında 13 yaş fərq olsa da, bu, heç də Şakiranı narahat etmir.