Hər qurumun öz trolları var. Dəfələrlə bu haqda danışmışam, yenə yazım, oxuyun ( onsuz da başa düşən düşür, özünü gic yerinə qoyanlara isə pul ödəyirlər hər ay). Cəmiyyətdə fikir formalaşdırmaq, fikir yayındırmaq və yaxud başqa yerə yönəltmək üçün şərh və statuslar yazan insanlara aylıq maaş ödənilir. Mən dənizkənarı bulvarı tənqid etmişəm. Saytlar sağ olsunlar, yazıb paylaşıblar. Fake profillərdən girib həmin xəbərin altında yazılan şərhləri oxuyub dəhşətə gəlmək olar. SİA xəbər verir ki, bu sözləri müğənni Nura Suri sosial mediada yazıb. Sənətçi dünən müzakirələrə səbəb olan skuterlər və velosipedlər barədə yazdığı statusuna aydınlıq gətirib:
"Pul ödədiyiniz insanlara heç olmasa, hazır mətn göndərin ki, yazdıqları şərh və statuslar səviyyəli görünsün. Yoxsa, cəmiyyətimizin belə tupoylardan ibarət olduğunu göstərməkdir məqsədiniz?
Cəmiyyətimizdə yetərincə ağlı başında, savadlı insanlar var, onları təbliğ edin. Dövlətini, millətini sevən kəs öz millətini belə qanmaz, ağılsız kimi göstərməz. Bu trollara kim ödəyir bu pulu, nə məqsədlə millətimizi belə qələmə verir bir araşdırın.
Trolların vasitəsi ilə mədəniyyətimizin üzvlərini gözdən saldınız, yetmədi? Yazıçı qalmadı, müğənni, aktyor, alim qalmadı gözdən salmayasız. Hamı hər şeyi görür, bilir, öz aralarında da müzakirə edir. Bəziləri də mənim kimi sosial şəbəkələrdə yazır. Ağlımız başımızdadır, "tupoy" da deyilik".