Böyük Britaniyanın müdafiə naziri Ben Uolles “Storm Shadow” uzaqmənzilli raketlərinin Ukraynadakı müharibənin gedişinə təsirini şərh edib.
SİA-nın rus saytlarından əldə etdiyi məlumata görə, “EuroPravda” xəbər verir ki, ingilis nazir Ukrayna Silahlı Qüvvələrinə “Storm Shadow” raketlərinin verilməsi “döyüş meydanına mühüm təsir göstərib”-dey’ bildirib.
Nazirin dediyinə görə, bu silahların dəqiqliyi və ukraynalıların nəzərdə tutduqları kimi hədəfləri effektiv şəkildə vurmaq bacarığı demək olar ki, səhvsizdir.
Ben Uolles, “Storm Shadow”dan istifadənin rus işğalçılarının maddi-texniki təminatına və əməliyyat-taktiki nəzarətinə də təsir etdiyini diqqətə çatdırıb.
“Bu, dərin arxa cəbhəni məğlub etməyin vacibliyini göstərir və biz tərəfdaşları Ukraynanı uzaq mənzilli sistemlərlə təmin etməyə çağırırıq”, - deyə ringilis nazir bildirib.
Yeri gəlmişkən, bir müddət bundan əvvəl ingilis nazir ölkəsinin 17 min Ukrayna Silahlı Qüvvələri əsgəri üçün təlim keçdiyini və 2022-2023-cü illərdə Ukraynaya 2,3 milyard funt sterlinqdən çox hərbi yardım göstərdiyini bildirmişdi.
Ağasəf Babayev