Dünyanın ən böyük uçurtma festivalının başlaması ilə Danimarka səması rənglərin çaşqınlığına çevrildi.
SİA-nın əldə etdiyi məlumata görə, Yer üzünün hər yerindən 5 mindən çox uçurtma ustası və həvəskarının qatıldığı festivalda bir-birindən maraqlı uçurtmalar nümayiş olunub.
Danimarkanın qərb sahilindəki Fano şəhərində hər zaman əsən külək uçurtma həvəskarları üçün mükəmməl atmosferdir.
2023-cü ildə festivala Çindən klassik uçurtmalardan çox fərqli performans göstərən 25 məşhur uçurtma ustası dəvət olunmuşdu.
Qeyd edək ki, Fanonun küləkli havası uçurtma həvəskarları tərəfindən kəşf edildikdən sonra festival 1985-ci ildən hər il keçirilir.