İstanbulun Fateh Sultan Mehmet körpüsü Azərbaycan Xalq Cümhuriyyətinin yaranmasının ildönümü münasibətilə Azərbaycan bayrağının rəngləri ilə işıqlandırılıb. SİA bu barədə Tükiyə saytlarına istinad edir.
Azərbaycan Respublikasının müstəqilliyi 1918-ci il mayın 28-də Gürcüstanın Tbilisi şəhərində Mehmet Emin Rəsulzadənin rəhbərliyindəki Azərbaycan Milli Şurası tərəfindən elan edilib.
Azərbaycanın müstəqilliyini tanıyan ilk ölkə olan Osmanlı dövləti Nuri Paşanın komandanlığındakı Qafqaz İslam Ordusunu Azərbaycana göndərərək apardığı istiqlal mübarizəsində Azərbaycana dəstək verib.
1918-ci il iyunun 26-da milli ordusunu quran Azərbaycan iyunun 27-də dövlətin rəsmi dilinin türk dili olduğunu bütün dünyaya elan edib.