Finlandiya yaxın iki həftə ərzində NATO-nun tamhüquqlu üzvü olmağı gözləyir. SİA xəbər verir ki, bu barədə ölkənin xarici işlər naziri Pekka Haavisto məlumat verib.
O bildirib ki, aprelin ortalarına kimi Finlandiyanın alyansa daxil olmaq üçün ratifikasiya proseduru tamamlanacaq.
Qeyd edək ki, aprelin 1-də Türkiyə prezidenti Rəcəb Tayyib Ərdoğan Finlandiyanın NATO-ya üzv olmasını nəzərdə tutan qanunu imzalayıb.
Türkiyə müvafiq sənədi Vaşinqtona göndərməlidir və bundan sonra NATO-nun baş katibi Finlandiyanın üzvlüyünü rəsmən açıqlayacaq.