Moskvanın Basmannı rayon məhkəməsi Bryansk vilayəti qubernatorunun səlahiyyətlərini icra edən iki müavinini həbsə göndərib. Yelena Yeqorova və Tatyana Kuleşova rüşvət almaqda şübhəli bilinərək mayın 28-dək həbsdə qalacaqlar. SİA-nın rus saytlarından əldə etdiyi məlumata görə, bu barədə paytaxtın ümumi yurisdiksiya məhkəmələrinin Telegram kanalında məlumat verilib.
Qeyd edək ki, təqsirləndirilən şəxsləri 15 ilə qədər həbs gözləyir. Bryansk vilayətinin qubernator müavinləri Cinayət Məcəlləsinin 290-cı maddəsinin 6-cı hissəsi - “Xüsusilə külli miqdarda rüşvət alma” maddəsi ilə ittiham olunurlar.
Rus saytlarının yazdığına görə, Eqorova və Kuleşova dəfələrlə pul “hədiyyə” almaqda şübhəli bilinə bilər. Deyilənlərə görə, qadınlar 4,4 milyon rubla qədər rüşvət alıblar.
Onu da qeyd edək ki, Yelena Egorova 2022-ci il aprelin 1-dən Bryansk vilayətinin qubernatorunun müavini vəzifəsini icra edib. O, regionun təhsil, elm və mədəniyyət sahəsində fəaliyyətini əlaqələndirir.
Tatyana Kuleşova isə hazırkı vəzifəsinə bir il əvvəl, 28 aprel 2021-ci ildə başlayıb. O, informasiya və daxili siyasətlə məşğul olub.
Ağasəf Babayev