“Hüquq-mühafizə orqanları məsələni araşdırır. Bütün hallarda görünən odur ki, deputat Fazil Mustafanın güllələnməsi terror aktı və silahlı basqındır”. Bu sözləri SİA-ya açıqlamasında deputat Ceyhun Məmmədov deyib.
Onun sözlərinə görə, basqının kimlər tərəfindən törədilməsi məsələsində tələsməməliyik: “Hüquq-mühafizə orqanları məsələni tam dəqiq araşdırmalıdır. Bundan sonra cəmiyyətə məlumat veriləcək. Əminəm ki, ən qısa zamanda hadisəni törədənlər öz layiqli cəzasını alacaq”.
Deputat sözlərinə belə davam edib: “Allah, Fazil Mustafaya şəfa versin. Arzumuz odur ki, o tezliklə sağlamlığına qovuşsun. Digər məsələlər zamanla yoluna düşəcək. Bu kimi addımlar dövlətimizin gücünü azalda və Azərbaycanın həyata keçirdiyi siyasətin qarşısını ala bilməz. Allah dövlətimizi, ölkəmizi və xalqımızı qorusun”.
Ayşən Vəli