"Fazil Mustafaya 7-8 güllə atılıb. Bu, onun həyatına edilən sui-qəsddir". SİA xəbər verir ki, bunu Milli Məclisin deputatı Zahid Oruc Fazil Mustafaya qarşı silahlı hücuma münasibət bildirərkən deyib.
"Bu sui-qəsdin təbii ki, siyasi səbəbləri var. Kimlərsə 90-cı illərlə bu dövrü səhv salır, o vaxt da siyasi terrorlar baş alıb gedirdi. Həm də Qarabağ müharibəsindən sonra əksər adamlarda silah var idi. O silahlar ilə daxildə müxtəlif hücumlar həyata keçirirdilər", - Z.Oruc bildirib.