Çinin Hebey vilayətində fəaliyyətini dayandırmış soyuducu anbarda baş vermiş yanğın nəticəsində azı 11 nəfər ölüb.
SİA-nın AZƏRTAC-dan əldə etdiyi məlumata görə, hadisə martın 27-də günortadan sonra Çancou şəhərinin Çansian rayonunda baş verib. Anbarda söküntü işləri aparılarkən meydana gələn yanğının söndürülməsinə təxminən 8 saat vaxt gedib. Ərazidən 11 nəfərin meyiti aşkarlanıb.
Hazırda axtarış işləri davam edir.