İran və Səudiyyə XİN başçıları razılığa gəldilər

24 Mart 2023 00:53 (UTC+04:00)

Səudiyyə Ərəbistanının xarici işlər naziri Feysəl bin Fərhan iranlı həmkarı Hüseyn Əmir Abdullahian ilə telefon danışığı aparıb. SİA xəbər verir ki, bu barədə "Tasnim" agentliyi məlumat yayıb.

Telefon danışığı zamanı Çinin vasitəçiliyi ilə Ər-Riyad ilə Tehran arasında münasibətlərin normala dönməsi alqışlanıb.

İki ölkənin xarici işlər nazirləri ilk fürsətdə bir-biri ilə görüşmək və səfirlik və konsulluqların yenidən açılması üçün hazırlıq görmək barədə razılığa gəliblər.