“Qaradağlı faciəsində 118 nəfər əsir götürüldü” - FƏLSƏFƏ DOKTORU DANIŞDI

“Bu gün Qaradağlı faciəsindən 31 il ötür. Bu faciə ermənilər tərəfindən azərbaycanlılara qarşı törədilmişdir. Düşünürəm ki, bu Xocalı soyqırımından sonra törədilmiş ən dəhşətli faciə idi. Qaradağlı faciəsi 1992-ci il fevralın 14-dən başlayaraq 17-ə qədər baş tutub”. Bu sözləri SİA-ya açıqlamasında Tarix elmləri üzrə fəlsəfə doktoru, Bakı Dövlət Universiteti Qafqaz Xalqları tarixi kafedrasının müəllimi Ülkər Məmmədzadə bildirib.

Onun sözlərinə görə, 1992-ci ildən ermənilər bunu öz havadarlarının gücü ilə həyata keçirirdilər: “Fevralın 17-də Qaradağlı kəndi ermənilər tərəfindən işğal olundu və bu döyüşlər nəticəsində 118 nəfər əsir götürüldü və onların çoxu ermənilər tərəfindən vəhşicəsinə qətlə yetirildi. Bundan əlavə 90-a yaxın mülki şəxs də həyatını itirmişdir. Bu hadisələr bir daha ermənilərin vandallığını göstərdi. Qaradağlı faciəsinin qisası alınsa da, bu faciə Azərbaycan tarixinə qan yaddaşımız kimi həkk olunub”.