Bakının əsas prospektində hərəkət məhdudlaşdırılır

3 Fevral 2023 16:51 (UTC+04:00)

Bakıda Heydər Əliyev prospektinin bir hissəsində hərəkət məhdudlaşıdırlacaq.

Bu barədə SİA-ya Bakı Nəqliyyat Agentliyindən məlumat verilib.

Məlumatda bildirilir ki, 5 fevral saat 09:00-dan saat 16:00-dək Heydər Əliyev prospektinin kənar yolunda, tuneldə (Bağırov körpüsünün alt hissəsi, şəhər mərkəzi istiqamətində) aparılacaq təmir işləri ilə əlaqədar nəqliyyat vasitələrinin hərəkətinə müvəqqəti məhdudiyyət tətbiq ediləcək.

Bu səbəbdən tətbiq ediləcək məhdudiyyətlərə uyğun olaraq 1, 13, 38 və M8 nömrəli marşrutların hərəkət sxemi müvəqqəti dəyişdirilərək Heydər Əliyev prospekti, əsas yoldan təşkil ediləcək.