Ukrayna prezidenti Volodimir Zelenski gecə saatlarında Telegram hesabında paylaşdığı gündəlik video mesajında xalqa müraciət edib və Rusiya-Ukrayna müharibəsi çərçivəsində baş verənləri dəyərləndirib. SİA xarici KİV-ə istinadən xəbər verir ki, Rusiyanın təxminən bir il əvvəl fevralın 24-də ölkəsinə qarşı müharibəyə başladığını qeyd edən Zelenski Ukrayna ordusunun ölkəni qorumağa davam etdiyini bildirib.
Ölkəsinin şərqində cəbhə xəttində Rusiya qüvvələrinin hərəkətliliyinin gücləndiyini qeyd edən Zelenski, "Ölkəmizin şərqində cəbhədə işğalçıların hücum hərəkətlərində müəyyən artım var. Vəziyyət getdikcə çətinləşir”. ifadələrdən istifadə edib. Zelenski Ukrayna xalqını birləşməyə və dövlətin maraqlarını qorumağa çağırıb.