Sınıq ürək sindromu stresli vəziyyətlər, güclü emosiyalar, ya da ciddi fiziki xəstəlik ya da əməliyyat nəticəsində yaranır.
SİA-nın əldə etdiyi məlumata görə, bu barədə “Times of India” yazıb.
Sınıq ürək sindromu hormonların balanssızlığı səbəbindən əsasən qadınlarda baş verən bir vəziyyətdir.
Ani stresslər səbəbiylə ürək böhranını təqlid edir.
Həkimlər qeyd edirlər ki, infarktdan fərqli olaraq sınıq ürək sindromu ani stress, istər fiziki, istərsə də emosional stress nəticəsində ürək əzələsinin sürətlə zəifləməsinə səbəb olur.
Qeyd edək ki, sınıq ürək sindromunun qurbanlarının böyük əksəriyyəti qadınlardır və bildirilən halların təxminən 88 faizini təşkil edirlər.
Bu çox vaxt anomaliya menopozun başlanğıcı və estrogen hormonunun səviyyəsinin azalması ilə əlaqədar baş verir. Sonuncu ürəyi stressin zərərli təsirlərindən qoruyur.
Yaşla östrogen səviyyəsi azaldıqca, qadınlar stresli hadisələrin təsirlərinə daha həssas olurlar. Bu cür hadisələrə qəfil ciddi xəstəlik, əməliyyat, sevilən birinin ölümü və ya digər itkilər daxil ola bilər. Şən və xoşbəxt hadisələrlə əlaqəli həyəcan səbəbiylə qırıq ürək sindromunun yarandığı hallar da var.
Mütəxəssislərin fikrincə, əksər hallarda zərərçəkənlər bu pozğunluqdan əziyyət çəkdiyini dərk etmir, bəzi əlamətlərə baxmayaraq, həkimlərə müraciət etmirlər.
Ümumi simptomlara aşağıdakı xəstəliklər daxildir: sinə ağrısı; nəfəs darlığı hissi; huşunu itirmə, aritmiya; kəskin ürək çatışmazlığının digər əlamətləri.
Nazlı Almuradova