Amerikanın İllinoys ştatının Şimal-Qərb Universitetinin mütəxəssisləri özünü “müalicə” edə bilən robot yaradıblar.
SİA AZƏRTAC-a istinadən xəbər verir ki, X formalı və təxminən 12 santimetr uzunluğunda olan robot sıxılmış havanın köməyi ilə hərəkət edir.
Robot nasazlıq yaranarsa, problemi müəyyən edərək özünü “müalicə” etməyə başlayacaq. Sensorların siqnalı ilə cihazın səthində kimyəvi reagentlər görünəcək ki, bu da nasazlığın aradan qaldırılmasına kömək edəcək. Bundan sonra robot hərəkətini davam etdirəcək. Robot problemin aradan qaldırılmasına təxminən bir dəqiqə vaxt sərf edəcək.