Yapon kişi 35 qadınla eyni vaxtda görüşərək, onlardan saxta ad günlərində dəbdəbəli hədiyyələr ala bilib.
SİA-nın xarici qaynaqlardan əldə etdiyi məlumata görə, Yaponiyanın Osaka şəhərindən olan 39 yaşlı Takashi Miyaqava adlı biri eyni anda 35 qadınla ciddi münasibətdə olduğunu iddia edib.
Qadınların hər biri, təbii ki, özünü yeganə hesab edirdi, əmin idi ki, bu monoqam münasibətdir və onlar əbədi olaraq bir yerdə olacaqlar.
Əslində isə bu vaxt Miyaqavanın özü sadəcə qızlardan hədiyyə almaq istəyirdi. Miyaqava noyabrın 13-də doğulsa da, “qurbanlarını” aprel, iyul və fevral aylarında ona “ad günləri” üçün hədiyyələr verməyə məcbur edirdi.
Onun ideyası il boyu hədiyyələrin daimi tədarükünü təmin etmək idi.
Ümumilikdə o, 100.000 yapon yeni (təxminən 925 dollar) məbləğində hədiyyələr alıb. “The Independent” yazır ki, hədiyyələr elektronikadan geyimə qədər, o cümlədən təxminən 280 dollarlıq kostyum olub.
Maraqlıdır ki, daimi ünvanı olmayan Miyaqava marketinq şirkətində satış işçisi kimi part-time işləyib. O, qurbanları ilə duş başlıqları və digər ləvazimatları satarkən qarşılaşıb.
Miyaqavanın sxemi üzə çıxandan sonra qadınlar “Qurbanlar Assosiasiyası” yaradaraq polisə məlumat veriblər. Miyaqava dələduzluq etdiyinə görə həbs edilib.
Nazlı