Yaponiya, İngiltərə və İtaliya birgə layihə ilə yeni nəsil reaktiv döyüş təyyarəsi hazırlayacaqlarını açıqlayıb. SİA-nın xarici mətbuata istinadən verdiyi məlumata görə, layihə Amerika Birləşmiş Ştatları (ABŞ) daxil olmaqla, müttəfiqləri əhatə edəcək gələcək əməkdaşlığa çevrilməyi hədəfləyir. 2035-ci ildə başa çatdırılması gözlənilən təyyarə layihəsi Qlobal Döyüş Hava Proqramı adlanır və üç ölkənin gizlilik qabiliyyətindən tutmuş yüksək texnologiyalı sensorlara qədər qabaqcıl hava müharibəsi texnologiyasına dair tədqiqatlarını birləşdirəcəyi gözlənilir.
Üç ölkənin birgə bəyanatında deyilir ki, “dünyada təhlükə və təcavüzün artdığı bir vaxtda onların birgə səyləri onların qabaqcıl hərbi imkanlarını və texnoloji üstünlüklərini sürətləndirəcək”. Elan yeni təyyarələrin Fuji dağı, London və Roma üzərində uçduğunu göstərən bir sıra şəkillərlə müşayiət olundu. Artıq yüksək texnologiyalı döyüş təyyarələrinə milyardlarla dollar xərcləyən üç ölkə layihənin təxmini dəyərini açıqlamayıb.