Hindistanın Çatişqarh ştatında daha bir mədənin çökməsi nəticəsində 6 nəfər ölüb, 3 nəfər yaralanıb. SİA xəbər verir ki, hadisə Çatişqarh ştatının Bastar rayonunun Malqaon kəndində baş verib.
Axtarış-xilasetmə dəstələrinin həyata keçirdiyi əməliyyat nəticəsində 5 nəfərin cəsədi tapılıb. Xəsarət alan 4 nəfərdən biri xəstəxanada dünyasını dəyişib.
Hadisə zamanı ölən 6 nəfərdən 5-nin qadın olduğu bildirilib. Yerli hakimiyyət orqanları həyatını itirənlərin ailələrinə təzminat ödəniləcəyini açıqlayıb.
Qeyd edək ki, adıçəkilən bölgədə ötən gün baş verən mədən qəzasında 7 nəfər dünyasını dəyişib.