“WhatsApp”da audio statusları da paylaşmaq mümkün olacaq

26 Noyabr 2022 10:32 (UTC+04:00)

“WhatsApp” status paylaşma funksiyasını uzun müddət əvvəl bütün istifadəçilərinə təqdim etmişdi. Hazırda istifadəçilər statusda mətn, şəkillər və linklər paylaşa bilirlər.

SİA-nın məlumatına görə, “WhatsApp”ın hazırda sınaqdan keçirdiyi yeniliklə proqram onlara audio status funksiyasını da əlavə edəcək.

“WhatsApp” audio status yeniləmələri üzərində işləyir!

“WhatsApp” “iOS” üçün statusun səsli qeydlərini paylaşma funksiyasını sınaqdan keçirməyə başlayıb. Yeni funksiya sayəsində “iOS” istifadəçiləri 30 saniyəyə qədər səsli qeyd yazdıqdan sonra mesajlarını paylaşa biləcəklər. Bundan əlavə, platforma bağlantılar üçün önizləmə paylaşımını sınaqdan keçirməyə başlayıb. İndiyə qədər linklər yalnız ünvanlar şəklində paylaşılırdı.

“Android” istifadəçiləri üçün də eyni şəkildə statusa 30 saniyəlik səs yazısı yüklənəcək. Yuxarıdakı şəkildə olduğu kimi, status yeniləməsinin sağ alt küncündə mikrofon olacaq. Bu mikrofon sayəsində “WhatsApp” istifadəçiləri öz səslərini yaza və paylaşa biləcəklər. Yeniliyin stabil “WhatsApp” versiyasına nə vaxt gələcəyi bəlli deyil, lakin onun tezliklə tətbiq olunacağı gözlənilir.