Bu gün axşam saatlarında Bakı-Quba yolunda yol-nəqliyyat hadisəsi baş verib.
SİA xəbər verir ki, hadisə Siyəzənin Zarat kəndi ərazisində qeydə alınıb.
"KamAZ" markalı yük maşını ilə "Vaz 21010" markalı nəqliyyat vasitəsi toqquşub. Qəza nəticəsində 2 nəfər -
rayonun Çiləgir kənd sakini, 1993-cü il təvəllüdlü Savalanova Günay Şakir qızı və Yeni Həyat qəsəbə sakini Əliyeva Oksana Gülağa qızı dünyasını dəyişib.
Minik avtomobilinin sürücüsü - Çiləgir kənd sakini Savalanov Hümbət Şayəddin oğlunun vəziyyətinin ağır olduğu bildirilir.
Qeyd edək ki, dünyasını dəyişən Günay Savalanova sürücünün həyat yoldaşıdır.