Uşaqpuluna 18-35 milyard pul xərclənməlidir

14 Noyabr 2019 10:25 (UTC+04:00)

Əmək və əhalinin sosial müdafiəsi naziri Sahil Babayev deputatların "uşaq pulu" verilməsi ilə bağlı təklifinə münasibət bildirib. SİA-nın verdiyi xəbərə görə, nazir Milli Məclisin plenar iclasında çıxışı zamanı bu gün Azərbaycanda 600 minə yaxın uşağa müxtəlif müavinətlərin ödənildiyini xatırladıb.

O qeyd edib ki, sağlamlıq imkanları məhdud uşaqlara 150 manat, onların valideynlərinə və ya qəyyumlarına 200 manat ödənilir: "Bu gün ən həssas kateqoriyadan olan 600 minə qədər uşağa bu vəsait ödənilir. Orta məbləğ də 100 manatın üzərindədir. Əgər biz bunu bütün uşaqlara şamil etsək, bu gün ölkədə 18 yaşına çatmamış 2 milyon 700 min uşaq var. Hələ tutaq ki, ən aşağı onlara 100 manat vəsait ödənilsə, bu 3,3 milyard manat pul edir.

Uşaqpulukimi proqramlar 1 illik, 2 illik proqramlar deyil. Ən azı 5 illik, 10 illik proqramlardır. Bunun üçün ümumilikdə 18-35 milyard vəsait xərclənməlidir. Nəzərə alın ki, ölkədə minimum əməkhaqı 2 dəfə artıb. Bu gün yəni konkret ünvanlı olmayan, hamını əhatə edən bir proqram əvəzinə ünvanlı olan sosial cəhətdən ən həssas kəsimləri əhatə edən və ən çox əhəmiyyətli sosial proqramlar eyni məbləğə maliyyələşdirilir.

Ona görə də hökumətin seçimi bu istiqamətdə olub və belə də davam edəcək".