Milli Məclisdə yeni doğulan uşağa 500 manat verilməsi təklif olunub

13 Noyabr 2019 16:27 (UTC+04:00)

Azərbaycanda yeni doğulan uşaqlara 500 manat pulun verilməsi təklif edilir. SİA-nın məlumatına görə, bu təkliflə Milli Məclisin bu gün keçirilən iclasında deputat Əli Məsimli çıxış edib.

Deputat qeyd edib ki, əvvəllər yeni doğulan uşaqlara 105 manat vəsait verilirdi: “İndi o 200 manata qaldırılıb. Amma yeni doğulan uşaqların xərcləri bundan 5 dəfə çoxdur. Ona görə təklif edirəm ki, yeni doğulan uşağa 200 manat yox, 500 manat verilsin və bu uşaqpulu məsələsində müəyyən bir addımın atılmasına gətirib çıxaracaq”. Parlamentari bildirib ki, bunun üçün əvvəlki variantda haradasa 16 milyon manat, təklif etdiyim variantda isə 40 milyon manat pul lazımdır: “Büdcənin gəlirləri 27 milyard manata çatan bir ölkədə o qədər pul deyil ki, bu məsələyə diqqət yetirilməsin”.