Azərbaycanlı hakimə UEFA-dan təyinat

13 Noyabr 2019 10:15 (UTC+04:00)

Beynəlxalq dərəcəli hakim-inspektor Asim Xudiyev təyinat alıb. SİA-nın məlumatına görə, o, 19 yaşadək futbolçulardan ibarət komandalar arasında Avropa çempionatının seçmə mərhələsinin VIII qrupunda keçiriləcək oyunların hakim-inspektoru olacaq.

Bu qrupda Fransa, Danimarka, Finlandiya və Farer adalarının yığma komandaları mübarizə aparacaq. Oyunlar noyabrın 13-dən 19-dək Danimarkada keçiriləcək.