Qazaxıstanın birinci Prezidenti Nursultan Nazarbayev Sankt-Peterburqda Rusiya Prezidenti Vladimir Putinlə görüşüb.
SİA “RİA Novosti” agentliyinə istinadən xəbər verir ki, görüş zamanı tərəflər arasında Ali Avrasiya İqtisadi Şurasının iclasına hazırlıq məsələləri müzakirə olunub.
Qeyd edək ki, Ali Avrasiya İqtisadi Şurasının iclası bu ilin dekabr ayında Sankt-Peterburqda keçiriləcək. May ayında Nursultan Nazarbayevə şuranın fəxri sədri adı verilib.