Bu gün Boliviya Prezidenti Evo Morales ölkədə yeni prezident seçkilərinin keçiriləcəyini bəyan edib.
SİA "TASS" agentliyinə istinadən bildirir ki, bu barədə E.Moralesin özü məlumat verib.
Prezident keçirdiyi mətbuat konfransında deyib ki, xalq seçki yolu ilə yeni hökumətini seçəcək. E.Morales seçkiləri Ali Seçki Məhkəməsinin yeni tərkibinin keçirəcəyini söyləyib: “Mən istəyirəm ki, gərginliyin azalması üçün hər şey edək. Hamıdan sabitliyin qorunmasını xahiş edirəm”.
Noyabrın 8-də Boliviyanın bir neçə şəhərində polislər də etiraz aksiyalarına qoşulub. Baş verən toqquşmalarda və etirazlarda indiyədək 3 nəfərin öldüyü, 380 nəfərin xəsarət aldığı barədə məlumatlar var.