Futbol üzrə Azərbaycan milli komandasının heyəti açıqlanıb. SİA-nın məlumatına görə, yığmanın baş məşqçisi Nikola Yurçeviç AVRO-2020-nin seçmə mərhələsinin son oyunlarında güvənəcəyi futbolçuları müəyyənləşdirib.
Xorvatiyalı mütəxəssis noyabrın 16-da Uelslə Bakıda, üç gün sonra Slovakiya ilə Trnavada baş tutacaq qarşılaşmalar üçün 24 futbolçuya dəvət göndərib. Onlardan "Keşlə"nin yarımmüdafiəçisi Vüsal İsgəndərli milliyə ilk dəfə çağırılıb.
Qeyd edək ki, Azərbaycan – Uels oyunu saat 21:00-da, Slovakiya – Azərbaycan matçı 23:45-də başlayacaq.