"Fərdi evlərdə yaşayan məcburi köçkünlər həmin evlərdən çıxarılacaq" Sədr

10 Oktyabr 2019 12:19 (UTC+04:00)

"Fərdi evlərdə yaşayan məcburi köçkünlərin köçürülməsi məsələsi diqqətimizdədir və yaxın vaxtlarda bu məsələ öz həllini tapacaq". SİA-nın verdiyi məlumata görə, bunu Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Yeni Azərbaycan Partiyasının (YAP) qərargahında keçirdiyi mətbuat konfransında deyib.

Hazırda bu istiqamətdə müvafiq işlər görülür: "Amma əsas məsələ hələ ki, bu gün ağır vəziyyətdə yaşayan məcburi köçkünlərin evlə təmin olunmasıdır. Təbii ki, fərdi evlərdə yaşayan məcburi köçkünlər də həmin evlərdən çıxarılacaq. Belə ailələr az deyil, yetərincədir. Bu cür ailələr daha çox Bakı və Sumqayıtda olan fərdi evlərdə yaşayır".