Şəhriyar Məmmədyarov turnirin son turlarında mübarizə aparacaq

14 Avqust 2019 14:46 (UTC+04:00)

ABŞ-ın Sent-Luis şəhərində “Grand Chess Tour 2019” şahmat seriyasının dördüncü mərhələsi çərçivəsində blitz turniri davam edir. SİA-nın məlumatına görə, təmsilçimiz Şəhriyar Məmmədyarov turnirin birinci dövrəsinin oyunlarında 2,5 xal toplayıb. Bu gün isə şahmatçımız turnirin ikinci dövrəsində, son oyunlarında mübarizə aparacaq.

Qeyd edək ki, “Grand Chess Tour 2019”-un dördüncü mərhələsi çərçivəsində artıq rapid yarışları başa çatıb. Şahmatçımız rapid turnirini 5 xalla başa vurub. Rapid yarışlarının və blits turnirinin ilk dövrəsinin ümumi nəticələrinə görə, fransalı Maksim Vaşe-Laqrav 17,5 xalla liderdir.