İsveçdə birmotorlu təyyarənin qəzaya uğraması nəticəsində 9 nəfər həlak olub.
SİA xəbər verir ki, bu barədə regionun “Vesterbotten” rəsmi saytı məlumat verib.
“Təyyarənin göyərtəsində olan bütün insanlar həlak olub. Onların qohumlarına bu barədə bildiriş verilib” – deyə press-relizdə qeyd edilib.
Qeyd edək ki, “GippsAero” aviaşirkətinin istehsalı olan “GA8 Airvan” model təyyarəsi havaya qalxdıqdan təxminən yarım saat sonra burnu üstə Stursandsşer adasına düşüb.
Qəzanın səbəbləri araşdırılır.