“Real”da daha bir braziliyalı

17 İyun 2019 19:04 (UTC+04:00)

“Real” heyətinə daha bir futbolçu cəlb edib. Klubun rəsmi saytında yer alan məlumata görə, Madrid təmsilçisi “Santos”dan Rodriqo Qoeslə anlaşıb. 18 yaşlı braziliyalı hücumçu ilə sabah müqavilə imzalanacaq.
İspaniya mətbuatı “Real”ın bu transfer üçün Braziliya klubuna 45 milyon avro ödədiyini yazıb. Qeyd edək ki, “Real” yay fasiləsində Militao, Ferland Mendi, Luka Yoviç və Eden Hazardı da heyətinə qatıb.