Qazaxıstanda iyunun 9-da keçiriləcək növbədənkənar prezident seçkiləri günü bu ölkənin Azərbaycandakı səfirliyində də seçki məntəqəsi fəaliyyət göstərəcək. SİA-nın verdiyi xəbərə görə, bu barədə qarşıdakı seçkilərə həsr olunan mətbuat konfransı zamanı Qazaxıstanın Azərbaycandakı səfiri Beybit İsabayev bildirib.
“Azərbaycanda yaşayan Qazaxıstan vətəndaşları yerli vaxtla saat 7-dən axşam saat 8-dək səs verə biləcəklər”, - deyən diplomat ölkəsində seçkilərlə bağlı bütün hazırlıq işlərinin artıq başa çatdığını da qeyd edib.