Azərbaycan Kubokunun final matçından əvvəl Tünzalə Ağayevanın konserti olub
19 May 2019 17:25 (UTC+04:00)
Qəbələ" və "Sumqayıt" komandaları arasında keçiriləcək Azərbaycan Kubokunun final matçının startına yarım saat qalmış Naxçıvan Muxtar Respublikası stadionunun tribunalarının yarıdan çoxu dolub.
SİA-nın məlumatına görə, Kamran Həsənlinin apardığı tədbiri əməkdar artist Tünzalə Ağayeva öz sevimli mahnılarını səsləndirməklə başlayıb.
Komandalar mahnı sədaları altında məşqə çıxıblar.
Matçı izləməyə gələnlər arasında AFFA-nın prezidenti Rövnəq Abdullayev, Peşəkar Futbol Liqasının prezidenti Ramin Musayev, Naxçıvan Muxtar Respublikası rəsmiləri də var.
Qeyd edək ki, görüş saat 17:00-da başlanacaq.